Энэ өглөө зочид буудалдаа өглөөний цайгаа ууна. Дараагаар нь Бэйдайхэ хотын аяллаа эхлүүлнэ. - Олимпын сэдэвт барималууд, хөшөө дурсгалууд, явган хүний зам, гүйлтийн зам, унадаг дугуйн зам зэрэг спортын байгууламжт бүхий “Олимпын цэцэрлэгт хүрээлэнгээр” зугаална.. Мөн энд усан оргилуур, цөөрөм, ой мод бүхий тайван орчин бүрдсэн тул зугаалж, амрахад маш тохиромжтой газар юм. - “Тагтааны үүрний цэцэрлэгт хүрээлэн” нь далайн эрэг, хадан цохио, шувуу ажиглах боломжтойгоороо алдартай. Энэхүү газар нь олон төрлийн нүүдлийн шувуудын амьдрах орчин тул шувуу ажиглагчдын очих дуртай газар юм. Мөн эндээс Бохайн булангийн гайхамшигт үзэмжийг тольдон харах боломжтой. - Бэйдайхэгийн “Океанариум” Энд та бүгд далайн ховор амьтад болох акул, далайн яст мэлхий, медуз, пингвин зэрэг олон төрлийн амьтдыг харах боломжтой. Тусгай шилэн хонгилоор алхахдаа жуулчид далайн гүнд орсон мэт мэдрэмж авдаг ба далайн арслан, дельфины тоглолт нь хамгийн сонирхолтой хэсгүүдийн нэг юм. Орой нь зочид буудал хүргүүлэн амарна.

Энэ өдөр чөлөөт өдөр байх ба аялагчид өөрсдийн хүссэн маршрутаараа Бэйдайхэ хотоор аялна. Худалдан авалт хийх, далайн эрэгт амрах зэрэг зүйлсийг хийх боломжтой.

Энэ өглөө зочид буудалдаа өглөөний цайгаа ууна. Дараагаар нь Бэйдайхэ хотын аяллаа эхлүүлнэ. - “Бинтанью уул” Уулын оргилоос далай болон Бэйдайхэгийн хотын үзэмж харагддаг бөгөөд байгалийн амар амгалан мэдрэх боломжтой. Явган аялал болон экстрем аялалд дуртай хүмүүс хамгийн тохиромжтой газар юм. - Бэйдайхэгийн “Шилэн гүүр” нь 100 гаруй метрийн өндөрт байрладаг мөн шилэн гүүрийн доорхи үзэмж, ой, уул, далайн панорама нь аялагчдад гайхалтай мэдрэмж төрүүлдэг. Өдрийн хоолны дараа “Маоие худалдааны төв”-өөр зугаална. Олон улсын болон Хятадын шилдэг брэндүүдийн дэлгүүрүүдийг нэг дор цуглуулсан томоохон худалдааны төв юм. Энд олон төрлийн ресторан, кафе, тоглоомын парк, кинотеатр зэрэг үйлчилгээ байдаг. Оройн хоолны дараа Бэйдайхэ хотын хуучин боомтын цэцэрлэгт хүрээлэнгийн аялал Эндээс та нар харж болох зүйлс: - 1899 оны хөлөг онгоцны зогсоол - Гэрэлт цамхаг + Ачааны хөлөг онгоцны зогсоол - Цэцэрлэгт хүрээлэн (Түүхэн гал тэрэг – 20-р зууны эхээр ашиглаж байсан гал тэрэг) - Худалдааны гудамж - Улаан цэцгийн дэнлүү гудамж

Энэ өглөө зочид буудалдаа өглөөний цайгаа ууна дараагаар нь зочид буудлын өрөөгөө хүлээлгэн өгнө. Бэйдайхэ – Улаанбаатар чиглэлд 2 цаг орчим ниснэ. Улаанбаатар хотод бууснаар аялал өндөрлөнө.